પંચાયત-સભ્ય ઉર્મિલાબહેન ચૌહાણ અને માતૃત્વ હક મેળવનારી બહેનો

દેવગઢ બારીયા તાલુકાનાં ગામોની અનેક ગ્રામીણ બહેનો કુપોષણથી પીડાય છે. કેટલીક બહેનો સાત ટકાથી પણ ઓછું હિમોગ્લોબિન ધરાવે છે. તેથી ખાસ કરીને, સગર્ભા અને ધાત્રીબહેનોને સરકારની માતૃત્વ હક યોજનાનો અધિકાર અપાવ્યો છે. જોકે, ફૂલપુરા ગામની સગર્ભા અને ધાત્રી બહેનોને આ યોજનાની રકમ મળતી નહોતી. તાલુકા અને જિલ્લાની સરકારી ઑફિસમાંથી એવું કહેવામાં આવતું કે, ગ્રાન્ટ નથી. યોજનાના અમલીકરણના અભાવની આ સ્થિતિ બારીયા તાલુકાનાં બીજાં અનેક ગામોમાં પણ હતી. તેથી ‘દેવગઢ મહિલા સંગઠન' દ્વારા જિલ્લા અને તાલુકાની ઑફિસો સમક્ષ વિરોધ પ્રદર્શન કરવામાં આવ્યું હતું. તેમાં ઉર્મિલાબહેને પોતાના ગામની બહેનો સાથે જોડાઈને ગામની સગર્ભા તથા ધાત્રી બહેનોને માતૃત્વ હક યોજનાનો અધિકાર અપાવ્યો છે. ફૂલપુરા ગામનાં પંચાયત-સભ્ય ઉર્મિલાબહેન, સગર્ભા બહેનોની કાળજી લેવાની સેવાભાવનાથી માતા-મૃત્યુ દર ઘટાડવાની દિશામાં મોટું યોગદાન આપી રહ્યાં છે.