આવાસનાં હકદાર જુમલીબહેન સાથે પંચાયત સભ્ય અને ગ્રામસાથી શારદાબહેન બારીયા

પ્રધાનમંત્રી આવાસ યોજના જેવી સરકારી યોજનાઓનો અમલ કરાવવામાં અને તેમાં થતી ગેરરીતિઓ અટકાવવામાં શારદાબહેને નોંધપાત્ર ભૂમિકા ભજવી છે. ‘આનંદી’ના માર્ગદર્શનથી ઓનલાઈન અરજી કરવાની તાલીમ તેમના માટે ફળદાયી નીવડી. શારદાબહેને કરેલી 165 ઓનલાઈન અરજીમાંથી જુમલીબહેનના પરિવાર જેવા 47 પરિવારોને આવાસ મળી ગયા તેનો આનંદ અને સંતોષ શારદાબહેનના ચહેરા ઉપર અચૂક જોવા મળે. ગામના જરૂરિયાતમંદોને આવાસ પણ મળ્યા અને તેમની સાથે થતી છેતરપીંડી પણ અટકી એ શારદાબહેનની આગેવાનીથી શક્ય બન્યું.